點樣落單

klothing 暫時唔設網上付款。你喺網站揀好衫、落單，我哋會喺 WhatsApp 同你逐件核對，確認之後先付款。全程唔使註冊會員。

4 步落單

1. 揀好尺碼，加入購物袋。每件貨都有平鋪尺寸表同身高對照；唔肯定就先睇 尺碼指南，或者 WhatsApp 問我哋。
2. 去落單，填資料。只需要姓名、香港手機號碼同送貨方法（順便智能櫃、順豐站、OK便利店或者順豐上門）。撳「確認落單」之後，而家唔使付款。
3. 撳「WhatsApp 確認訂單」。成功頁面會幫你預備好訊息，包括訂單編號同貨品，你只需要撳「傳送」。WhatsApp 開唔到？可以複製號碼 （聯絡方式準備中），或者複製訂單內容再 IG DM 我哋（（IG 準備中））。
4. 確認後付款，我哋寄出。我哋核對存貨同運費之後，會喺 WhatsApp 傳付款資料畀你。用 FPS 或 PayMe 付款後傳截圖；1pm 前確認收款，現貨即日寄出（星期日及公眾假期除外），寄出後會 WhatsApp 你順豐單號。

留貨時間

• 落單之後，我哋會為你保留貨品 24 小時，請喺呢段時間內用 WhatsApp 或 IG 同我哋確認。
• 確認訂單之後，請喺 24 小時內付款。
• 超過時間未確認或者未付款，訂單會自動取消，貨品會放返出嚟畀其他客人。只要仲有貨，你可以再落單，或者 WhatsApp 我哋幫你恢復訂單。

點解暫時唔設網上付款？

我哋係小店，每張單都由店主親自睇。付款前傾兩句，可以幫你再對一次尺碼同長度，減少收貨唔啱身要換貨嘅麻煩。將來加入網上付款，會喺呢頁更新。

落咗單之後

• 想睇訂單狀態：去 查詢訂單，輸入訂單編號同落單用嘅手機號碼。
• 唔記得撳 WhatsApp？返去成功頁面再撳，或者直接 WhatsApp （聯絡方式準備中），話我哋訂單編號就得。
• 想改尺碼、顏色或者送貨方法：付款前 WhatsApp 我哋就可以改。

小提示

• 同一個手機號碼最多同時有 3 張未完成嘅訂單；每張單每款每個尺碼最多 5 件。
• 我哋唔會喺 WhatsApp 或 IG 問你拎信用卡資料或者密碼，詳情睇 防騙須知。